Дастгирии "Назари Дигар"

Бонки «Арванд» чандин сол мешавад, ки ба Маркази дастгирӣ ва рушди кӯдакони дорои синдроми Дауни «Назари Дигар» кумаки ҳамаҷониба мерасонад. Вазифаи мо на танҳо пешниҳоди хизматрасониҳои босифати молиявӣ, балки иштироки фаъолона дар ҳаёти ҷомеа ва дастгирии лоиҳаҳои муҳими иҷтимоӣ мебошад.

Мо бар онем, ки ҳар кӯдак сазовори кӯдакии хушбахтона, рушди ҳамаҷониба ва имкони амалӣ сохтани қобилиятҳояш аст. Маҳз ҳамин аст, ки дастгирии маркази «Назари Дигар» барои мо хеле муҳим ва арзишманд мебошад. Мо аз кори омӯзгорон ва мутахассисони марказ, ки ба кӯдакони «хос» муҳаббат, ғамхорӣ ва малакаҳои зарурӣ барои мутобиқшавӣ ба ҷомеа медиҳанд, ба ваҷд меоем.

Дар доираи ин дастгирӣ, Бонки «Арванд» пайваста кумакҳои молиявӣ ва моддӣ мерасонад, инчунин дар гузаронидани машғулиятҳои рушдбахш, идҳо ва чорабиниҳои ҳамгироёна барои тарбиятгирандагони марказ саҳм мегузорад. Мо ҳар рӯз мебинем, ки ин кӯдакон чӣ гуна ба комёбиҳои нав ноил мешаванд, бо табассумашон шод мекунанд ва иродаи қавии худро нишон медиҳанд.

Бо дастгирии маркази «Назари Дигар» мо ба ояндаи ҷомеаи худ сармоягузорӣ мекунем, то шароити рушди фарогир ва имкониятҳои баробарро фароҳам оварем. Мо ҳама ро даъват мекунем, ки ба ин рисолати муҳими инсонӣ ҳамроҳ шаванд ва нисбат ба онҳое, ки ба ғамхорӣ ниёз доранд, меҳрубонӣ ва диққат зоҳир намоянд.